АСТАНА. ҚазАқпарат - Қазақстанның екінші, әлемнің 75-інші ракеткасы Ярослава Шведова Колумбияның Богота қаласында теннистен өтіп жатқан халықаралық турнирдің жартылай финалына шықты.
Чемпионат.ком сайтынан алынған мәліметке қарағанда, осы жарыста бесінші болып тіркелген Я.Шведова турнирдің екінші ракеткасы, пуэрторикандық Моника Пуигты 7:6, 6:2 есебімен ұтты. Қазақстандық теннисші финалға шығу үшін Израиль елінің өкілі Юлия Глушко немесе колумбиялық Мариана Дуке-Мариноның қай жеңгенімен күш сынасады. Екінші жартылай финалда осы турнирдің бірінші, әлемнің 27-інші ракеткасы, жиырма жасар украин қызы Элина Свитолина бразилиялық Тельяна Перейрамен шеберлік байқасады.
Айта кетейік, Богота турнирінің жүлде қоры - 250 мың АҚШ доллары.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).