АСТАНА. ҚазАқпарат - Қазақстандық, дүниежүзілік рейтингте 76-ыншы сатыда тұрған Ярослава Шведова Хертогенбос (Голландия) турнирінің ширек финалына шықты.
Vesti.kz сайтынан алынған мәліметке қарағанда, Ярослава екінші айналымда әлемнің 94-інші ракеткасы, жаңазеландиялық Марина Эраковичті 6:4, 6:4 есебімен тізе бүктірді.
Я.Шведова жартылай финалға шығу үшін осы турнирдің бесінші ракеткасы, итальяндық Камила Джорджимен күш сынасады.
Еске сала кетейік, Қазақстанның бірінші, әлемнің 32-інші ракеткасы З.Дияс Ұлыбританияның Ноттингем қаласында өтіп жатқан тағы бір халықаралық турнирдің екінші айналымында ертең дүниежүзілік рейтингте 129-ыншы орында тұрған американдық Сачия Викеримен кортқа шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).