АСТАНА. ҚазАқпарат - Испанияның Мальорка қаласында теннистен өтіп жатқан халықаралық турнирде қазақстандық Ярослава Шведова алғашқы айналымда словакиялық Даниэла Гантуховамен күш сынасты.
Чемпионат.ком сайтының хабарлауынша, 33 жасар Гантухова Шведованы 6:1, 6:3 есебімен оңай жеңді. Д.Гантухова екінші айналымда тағы бір қазақстандық, әлемнің 36-ыншы, осы жарыстың 5-інші ракеткасы Юлия Путинцева немесе румыниялық Сорана Кырстаның қай жеңгенімен кездеседі.
Еске сала кетейік, биылғы Рио олимпиадасына Қазақстаннан теннисшілер арасында Юлия Путинцева, Ярослава Шведова және ерлерден Михаил Кукушкин барады. Я.Шведова жұптық сайыста өнер көрсетеді. Сондықтан ол сыңарын қазақстандық теннисшілердің бірінен өзі таңдайды. Сондай-ақ Галина Воскобоеваға да олимпиада жолдамасы берілуі мүмкін.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).