АСТАНА. ҚазАқпарат - Мельбурн қаласында теннистен өтіп жатқан Австралияның ашық чемпионатында қазақстандық Ярослава Шведова жарысты жеңіспен бастады.
Чемпионат.ком сайтынан алынған мәліметке қарағанда, Ярослава бірінші айналымда болгариялық Цветана Пиронкованы 6:4, 6:4 есебімен ұтты. Енді ол екінші айналымда американдық, әлемнің 17-інші, осы турнирдің 15-інші ракеткасы Мэдисон Киспен кездеседі. М.Кис бүгін қазақстандық Зарина Диясты 7:6, 6:1 есебімен жеңген болатын. Ерлер арасындағы бәсекеде бүгін сондай-ақ қазақстандық Михаил Кукушкин де португалиялық Жоау Соузаға үш партияда есе жіберіп, жарыс жолынан шығып қалды.
Сонымен, жекелей сында Қазақстаннан Я.Шведова мен Юлия Путинцева ғана екінші айналымға өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).