АСТАНА. ҚазАқпарат - Қазақстандық теннисші Ярослава Шведова австралиялық Кэйси Деллакуамен бірге жұптық сында US Open турнирінің финалына шықты.
Я.Шведова мен К.Деллакуа аса тартысты өткен жартылай финалдық матчта неміс теннисшісі Анна-Лена Гренефельд және американдық Коко Вандевегені 6:7, 7:5, 7:5 есебімен ұтты. Бұл кездесу жаңбырдың кесірінен бір күнге кейінге қалдырылған болатын.
Қазақстандық пен австралиялық теннисші финалда жұптық сын бойынша әлемнің бірінші ракеткалары, швейцариялық Мартина Хингис және үндістандық Саня Мирзамен күш сынасады.
Айта кетейік, 12 қыркүйектегі туған күніне өзі осылайша керемет сый жасаған 28 жастағы Я.Шведова бұдан бұрын жұптық сында 2010 жылы Уимблдон және осы US Open турнирінде жеңімпаз атанған болатын.
Фото с сайта zimbio.com
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).