АСТАНА. ҚазАқпарат - Қазақстанның бірінші, әлемнің 61-інші ракеткасы Юлия Путинцева АҚШ-тың Чарльстон қаласында өтіп жатқан халықаралық турнирдің ширек финалында дүниежүзілік рейтингте 20-сыншы сатыда тұрған, осы жарыста бесінші болып тіркелген италиялық Сара Эрранимен күш сынасты.
Сhampionat.com сайтының хабарлауынша, Юлия 6:7, 1:6 есебімен қарсыласына жол беріп, жартылай финалға шыға алмады. С.Эррани финалға шығу үшін ресейлік Елена Веснинамен кездессе, осы турнирдің бірінші, әлемнің екінші ракеткасы, германиялық Анжелика Кербер америкалық Слоан Стивенспен кортқа шығады.
Еске сала кетсек, Чарльстон турнирінің екінші айналымында С.Эррани тағы бір қазақстандық теннисші Ярослава Шведованы 6:0, 6:3 есебімен сүріндірген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).