АСТАНА. ҚазАқпарат - Қазақстанның бірінші, әлемнің 55-інші ракеткасы Юлия Путинцева Рабатта (Марокко) теннистен өтіп жатқан халықаралық турнирдің ширек финалында голландиялық Кики Бертенспен күш сынасты.
Тікелей спорттық көрсетілім арқылы мәлім болғанындай, тартысты өткен бәсекеде осы турнирдің сегізінші ракеткасы болып тіркелген Ю.Путинцева алғашқы партияда 3:6 есебімен есе жіберсе, екіншісінде тай-брейкте (7:6) жеңіске жете білді. Соңғы, шешуші партияда есеп 3:4 болып тұрған мезетте қазақстандық теннисші қарсыласы доп бергенде бірнеше брейк-пойнтты пайдалана алмады. Сөйтіп бұл партияны да 6:3 есебімен К.Бертенс ұтып, жартылай финалға жолдама алды. Онда ол жаңазеландиялық Марина Эракович немесе сербиялық Александра Круничтің қай жеңгенімен кездеседі.
Айта кетейік, Рабат турнирінің жүлде қоры 226750 АҚШ доллары болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).