НҰР-СҰЛТАН. ҚазАқпарат - Қазақстандық Юлия Путинцева Белград WTA 250 турнирінің ширек финалына шыға алмады, деп хабарлайды ҚазАқпарат тілшісі.
Әлемнің 35-інші, осы доданың 2-ракеткасы Ю.Путинцева Сербия ашық чемпионатының екінші айналымында дүниежүзілік рейтингте 188-орында тұрған хорватиялық Ана Конюхпен кездесті.
Хорватиялық теннисші бірінші партияда 6:3 есебімен басым түсті. Екіншісінде мүмкіндігін мүлт жіберген жоқ - 6:4.
Бәсеке 1 сағат 23 минутқа созылды.
А.Конюх жартылай финалға шығу үшін әлемнің 42-ракеткасы, аргентиналық Надя Подороскамен таласады.
Еске сала кетейік, бұдан бұрын Ю.Путинцеваның Сербия ашық чемпионатын жеңіспен бастағанын, қазақстандық теннисшінің Лион турнирінің ширек финалына шыққанын жазған болатынбыз.
Сондай-ақ тағы бір қазақстандық теннисші жұптық сында Женева турнирін жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).