НҰР-СҰЛТАН. ҚазАқпарат - Қазақстандық Юлия Путинцева Словенияда өтіп жатқан Порторож жарысының жартылай финалына шықты, деп хабарлайды ҚазАқпарат тілшісі.
Әлемнің 44-інші, осы турнирдің 2-ракеткасы Ю.Путинцева ширек финалда рейтингте 167-сатыда тұрған италиялық Лючия Бронцеттимен ойнады.
Қазақстандық теннисші 6:3, 6:2 есебімен жеңіске жетті.
Бір сағат 24 минутқа созылған кездесуде Ю.Путинцева 6 брейк-пойнттың бесеуін пайдаланды. Қарсыласы 2 брейк-пойнтты мүлт жібермеді.
Ю.Путинцева жүлде қоры 190 мың АҚШ долларына жуықтайтын доданың финалына шығу үшін әлемнің 40-ыншы, осы жарыстың 4-ракеткасы, румыниялық Сорана Кырстя немесе рейтингте 87-орындағы италиялық Ясмин Паолинидің біреуімен таласады.
Еске сала кетейік, бұдан бұрын Юлия Путинцеваның Словениядағы турнирдің ширек финалына шыққанын, Зарина Диястың Люксембургта Токио Олимпиадасының чемпионына жол бергенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).