20:19, 04 Сәуір 2016

Теннис: З.Дияс австралиялық Д.Гавриловамен қайта кездеседі

АСТАНА. ҚазАқпарат - Чарльстон қаласында (АҚШ, Оңтүстік Каролина штаты) 4-10 сәуір аралығында теннистен өтіп жатқан халықаралық жарыста қазақстандық теннисшілердің қарсыластары белгілі болды.

Сhampionat.com сайтының хабарлауынша, жүлде қоры 753 мың АҚШ долларын құрайтын турнирдің алғашқы айналымында Қазақстанның бірінші, әлемнің 61-інші ракеткасы Юлия Путинцева жапониялық Куруми Нарамен күш сынасады.
Ал дүниежүзілік рейтингте 70-орында тұрған Ярослава Шведова бұрынғы отандасы, ресейлік Евгения Родинамен шеберлік байқасады.
Осы аптада әлемдік рейтингте бірден 11 сатыға жоғарылап, 86-ыншы орынға көтерілген Зарина Дияс Чарльстон турнирінің 12-інші ракеткасы, бұрынғы ресейлік, қазір Австралияның намысын қорғап жүрген Дарья Гавриловамен кортқа шығады. Мұның алдындағы Майами турнирінде Зарина Д.Гаврилованы 7:5, 6:3 есебімен ұтып, үшінші айналымда әлемнің бірінші ракеткасы, америкалық Серена Уильямске есе жіберген болатын.

Әлем жаңалықтары Спорт Әлем
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).