АСТАНА. ҚазАқпарат - Испания астанасы Мадрид қаласында басталған халықаралық турнирдің алғашқы айналымында Қазақстанның бірінші, әлемнің 32-інші ракеткасы Зарина Дияс дүниежүзілік сатыда оныншы орында тұрған испаниялық Карла Суарес-Наварромен күш сынасады.
Чемпионат.ком сайтынан алынған мәліметке қарағанда, Мадрид турнирінің жүлде қоры 4,2 млн. АҚШ долларына жуықтайды.
Айта кетейік, аталмыш ірі жарысқа әлемдік рейтингтің алғашқы үштігіндегі американдық Серена Уильямс, румыниялық Симона Халеп, ресейлік Мария Шарапова бастаған мықты теннисшілер қатысуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).