АСТАНА. ҚазАқпарат - Қазақстандық Зарина Дияс Ұлыбританияның Бирмингем қаласында өтіп жатқан халықаралық турнирдің үшінші айналымында чехиялық Каролина Плишковамен кездесті.
Vesti.kz сайтынан алынған мәліметке қарағанда, дүниежүзілік сатыда 34-інші орында тұрған Зарина әлемнің 12-інші ракеткасына 2:6, 2:6 есебімен жол берді. Кездесу бір сағат алты минутқа созылды. Бұл олардың алғашқы кездесуі еді.
Ширек финалда К.Плишкова үшінші айналымда ресейлік Светлана Кузнецованы ұтқан испандық Карла Суарес Наварромен кортқа шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).