ОРАЛ. ҚазАқпарат - Бейжіңде теннистен өтіп жатқан халықаралық турнирде қазақстандық Зарина Дияс екінші айналымда неміс қызы Анжелика Кербермен күш сынасты.
Дүйсенбі күні жаңартылған әлемдік рейтингте Зарина бір саты жоғарылап, 39-орынға көтерілсе, Анжелика керісінше 8-ден 10-сатыға төмендеп кеткен болатын.
Мұның алдында Уханьда өткен ірі жарыста осы екі спортшының жолдары тоқайласып, онда А.Кербер үш партияда жеңген болатын. Бұл жолы неміс қызы 6:3, 6:1 есебімен оңай ұтты. Ол енді ресейлік Светлана Кузнецовамен кортқа шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).