ОРАЛ. ҚазАқпарат - Бүгін «үлкен дулығаның» бірі - Уимблдон турнирінде Қазақстанның бірінші ракеткасы Зарина Дияс алғашқы кездесуін өткізіп, жеңіске жетті.
Vesti.kz сайтынан алынған мәліметке қарағанда, Зарина әлемнің 24-інші ракеткасы, итальяндық Флавия Пеннеттаны бірінші партияда 6:3 есебімен ұтты. Екіншісінде 2:6 есебімен есе жібергенімен, үшінші, шешуші партияда 4:0 есебімен алға шықты. Бұдан кейін Ф.Пеннетта үш геймді қатар өз есебіне жазды. Дегенмен Зарина өз басымдылығын сақтап, қарсыласын 6:4 есебімен тізе бүктірді.
Екінші айналымда З.Дияс қытайлық Чжу Линь немесе белорус қызы Александра Сасновичтің қай жеңгенімен кортқа шығады.
Бүгін сондай-ақ тағы бір қазақстандық Юлия Путинцева жаңазеландиялық Марина Эраковичпен шеберлік байқасады.
Айта кетейік, бүгін жаңартылған дүниежүзілік рейтингте З.Дияс өзінің 34-інші орнын сақтап қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).