АСТАНА. ҚазАқпарат - Қазақстандық Зарина Дияс Дубай турнирі іріктеу сайысының финалында румыниялық Моника Никулескумен күш сынасты, деп хабарлайды ҚазАқпарат тілшісі.
Зарина дүниежүзілік рейтингте 96-орында болса, Моника одан он саты төмен-ді. Бірінші партия барысында қарсыластар бірнеше рет брейкпен алмасты. Есеп 4:4 болған мезетте Зарина тағы бір брейк жасап, өз геймін де алды 6:4.
Екінші сетте З.Дияс брейк жасап, алға шықты - 3:1. Ақыры сол басымдығынан айырылған жоқ - 6:4.
Бәсеке сағат жарымдай уақытқа созылды. Осылайша Зарина негізгі турнирге жолдама алды.
Жүлде қоры 2,5 млн астам АҚШ долларына бағаланған Дубай турнирі 24 ақпанда мәреге жетеді. Онда Қазақстанның бірінші, әлемнің 43-ракеткасы Юлия Путинцева да өнер көрсетеді. Қазақстандық теннисшілердің қарсыластары кейін анықталады.
Еске сала кетейік, бұдан бұрын Зарина Диястың Дубай турнирінің іріктеу сайысын сәтті бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).