АСТАНА. ҚазАқпарат - Қазақстандық теннисші Зарина Дияс Индиан-Уэллстегі челенджер турнирінің ширек финалында америкалық Франческа Ди Лоренцомен кездесті, деп хабарлайды ҚазАқпарат тілшісі.
З.Дияс әлемдік рейтингте 96-орында болса, қарсыласы 179-сатыда еді.
Осы жарыстың12-ракеткасы болып тіркелген қазақстандық теннисші бірінші партияда есеп 5:4болған мезетте сет-пойнттардың бірін сәтті пайдалана білді - 6:4.
Екінші сетте брейк жасаған Зарина Дияс 3:0 есебімен алға шықты. Төртінші геймде де брейк жасайтындай мүмкіндіктері болды. Ақыры сол басымдылықтан айырылмай, үшінші матч болын құр жіберген жоқ - 6:3.
Бәсеке 1 сағат 35 минутқа созылды.
З.Дияс жартылай финалда тағы бір америкалық, рейтингте өзінен екі саты жоғары тұрған Дженнифер Брэдимен шеберлік байқасады.
Еске сала кетейік, бұдан бұрын Зарина Диястың Индиан-Уэллс турнирін сәтті бастап, содан кейін ширек финалға шыққанын жазған болатынбыз.
Тағы бір қазақстандық теннисші, рейтингте 153-орындағы Александр Бублик Франциядағы жарыстың жартылайфиналына шықты. Ол осы турнирдің бірінші, әлемнің 125-ракеткасы, франциялық Грегуар Баррермен финалға берілер жолдаманы сарапқа салады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).