НҰР-СҰЛТАН. ҚазАқпарат – Қазақстандық, әлемнің 108-ракеткасы Зарина Дияс Индиан-Уэллс (АҚШ) WTA 1000 турнирінің үшінші айналымына шыға алмады, деп хабарлайды ҚазАқпарат тілшісі.
З.Дияс екінші айналымда әлемнің бесінші, осы жарыстың 3-ракеткасы, 2021 жылғы Ролан Гаррос турнирінің жеңімпазы, чехиялық Барбора Крейчиковамен шеберлік байқасты.
Бірінші партияда чехиялық теннисші 6:4 есебімен басым түсті.
Екіншісінде Зарина есе қайырды – 6:3.
Үшінші, шешуші партияда Б.Крейчикова жеңістік бермеді – 6:1.
Екі сағаттан астам уақытқа созылған тартысты бәсекеде чехиялық спортшы 7 эйс жасап, 14 брейк-пойнттың тең жартысын пайдаланды. Эйс жасамаған З.Дияс 5 брейкке (11 брейк-пойнт) қол жеткізді.
Б.Крейчикова үшінші айналымда дүниежүзілік рейтингте 81-орында тұрған америкалық Аманда Анисимовамен кортқа шығады.
Еске сала кетейік, бұдан бұрын жұптық сында Елена Рыбакинаның Индиан-Уэллс турнирін жеңіспен бастағанын, Юлия Путинцеваның үшінші айналымға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).