НҰР-СҰЛТАН. ҚазАқпарат - Қазақстандық Зарина Дияс Истбурн (Ұлыбритания) турнирінің іріктеу сайысын сәтті бастады, деп хабарлайды ҚазАқпарат тілшісі.
Әлемнің 89-ракеткасы З.Дияс рейтингте 473-орында тұрған ұлыбританиялық Алисия Барнетпен кездесті.
Қазақстандық теннисші қарсыласын бет қаратпай, 6:1, 6:1 есебімен ұтты.
З.Дияс іріктеу сайыстарының финалында әлемнің 59-ракеткасы, ресейлік Вероника Кудерметовамен шеберлік байқасады. Оны жеңсе, негізгі турнирге жолдама алады.
Еске сала кетейік, бұдан бұрын Юлия Путинцеваның Бирмингем әлемнің 1-ракеткасын ұтқанын, ал Галина Воскобоеваның жұптық сында жартылай финалға жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).