НҰР-СҰЛТАН. ҚазАқпарат – Қазақстандық Зарина Дияс Мельбурнда WTA Phillip Island Trophy турнирінің ширек финалына шыға алмады, деп хабарлайды ҚазАқпарат тілшісі.
Қазақстандық теннисші үшінші айналымда әлемнің 9-ракеткасы, 2019 жылғы АҚШ чемпионатының жеңімпазы, канадалық Бьянка Андреескумен кездесті.
Бірінші партия 6:1 есебімен канадалық спортшының пайдасына шешілді.
Осыдан кейін З.Дияс ойынды жалғастырудан бас тартты.
Б.Андрееску жартылай финалға шығу үшін румыниялық Ирина Бегумен таласады.
Еске сала кетейік, бұдан бұрын Зарина Диястың Мельбурн турнирінің үшінші айналымына шыққанын, Дмитрий Попконың Италиядағы жарысты сәтті бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).