НҰР-СҰЛТАН. ҚазАқпарат - Қазақстандық Зарина Дияс «Ролан Гаррос» турнирінің үшінші айналымына шыға алмады, деп хабарлайды ҚазАқпарат тілшісі.
Дүниежүзілік рейтингте 99-орында тұрған З.Дияс екінші айналымда ресейлік, әлемнің 68-ракеткасы Вероника Кудерметовамен кездесті.
Бірінші партияда ресейлік спортшы 7:5 есебімен жеңіске жетсе, екіншісінде оның басымдылығы анық байқалды - 6:1.
Бәсеке бір сағаттан астам уақытқа созылды.
В.Кудерметова сондай-ақ жұптық сында тағы бір қазақстандық Галина Воскобоевамен бірге жарысқа түседі.
Осылайша жекелей сында «Ролан Гаррос» турнирінде Александр Бублик қана қалды.
Еске сала кетейік, бұдан бұрын Кукушкин мен Рыбакинаның осы доданың екінші айналымына шыға алмағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).