НҰР-СҰЛТАН. ҚазАқпарат - Қазақстандық Зарина Дияс «Ролан Гаррос» турнирінің екінші айналымына шықты, деп хабарлайды ҚазАқпарат тілшісі.
Әлемдік рейтингте 99-орында тұрған қазақстандық спортшы алғашқы кездесуін франциялық Одри Албимен өткізді.
Зарина екі партияда да 6:2 есебімен жеңіске жетті.
Бәсеке бір сағаттай уақытқа созылды.
З.Дияс екінші айналымда ресейлік, әлемнің 68-ракеткасы Вероника Кудерметовамен кездеседі. Ол әлемнің бұрынғы 1-ракеткасы, даниялық Каролин Возняцкиді тізе бүктірді.
Осының алдында Нюрнберг турнирінің жеңімпазы атанып, рейтингте 39-дан 28-сатыға көтерілген Юлия Путинцева, өкінішке қарай, швециялық Ребекка Петерсоннан ұтылып қалды. Өткен жылы осы жарыстың ширек финалына дейін жеткен Путинцева биыл турнирді ерте аяқтады.
Еске сала кетейік, бұдан бұрын «Ролан Гаррос» турнирінің басталатынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).