НҰР-СҰЛТАН. ҚазАқпарат - Қазақстандық Зарина Дияс Қытайдағы Ухань WTA турнирінің іріктеу сайысын сәтті бастады, деп хабарлайды ҚазАқпарат тілшісі.
Әлемнің 85-ракеткасы З.Дияс дүниежүзілік рейтингте 311-орында тұрған даниялық Клара Таусонмен кездесті.
Бірінші партияда қазақстандық теннисші 6:4 есебімен жеңіске жетсе, екіншісінде қарсыласы есе қайырды - 6:2. Үшінші, шешуші сетте Зарина есесін жіберген жоқ - 6:2. Тартысты бәсеке 2 сағат 17 минутқа созылды.
Зарина іріктеу сайыстарының финалында әлемнің 64-ракеткасы, америкалық Лорен Дэвиспен шеберлік байқасады. Оны жеңген жағдайда негізгі турнирге жолдама алады.
Еске сала кетейік, бұдан бұрын Юлия Путинцеваның Осака турнирінің ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).