08:10, 16 Қаңтар 2014

Теннис: Зарина Дияс үшінші айналымға шықты!

ОРАЛ. 16 қаңтар. ҚазАқпарат - Австралияның ашық чемпионатында қазақстандық теннисші Зарина Дияс жаңазеландиялық, тегі югославиялық Марина Эраковичпен кездесіп, оны 6:4 және 6:0 есебімен екі партияда ұтты.

Сөйтіп рейтингте 167-інші орында тұрған жиырма жасар Зарина өзінен әлдеқайда тәжірибелі, әлемнің 52-інші ракеткасы болып саналатын М.Эраковичті жеңіп, қазақ қыздары арасынан тұңғыш рет Австралия біріншілігінің үшінші айналымына шықты. Енді З.Дияс американдық Варвара Лепченко немесе Румыния елінің жас жарық жұлдызы Симона Халептің біреуімен кортқа шығады. Аталмыш чемпионатта Қазақстанның тағы бір үміті Галина Воскобоева осы сәтте испаниялық Карла Суарес-Наварромен күш сынасуда. Есеп тең - 6:7 және 6:3, қазір үшінші, шешуші партия ойналуда.

Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).