ОРАЛ. 18 қаңтар. ҚазАқпарат - Бүгін Австралияның ашық чемпионатында қазақстандық теннисші Зарина Дияс үшінші айналымда румыниялық, әлемдік рейтингте 11-орында тұрған Симона Халеппен күш сынасты.
Алғашқы ондыққа жақын тұрған С.Халеп екі партияда (6:1, 6:4) жеңіске жетті. Зарина үшінші айналымнан аса алмаса да, осының өзін үлкен табыс деп есептеуге болады. Қазір ол әлемдік рейтингте 152-інші орында тұрса, алдағы дүйсенбіде ол жаңартылған кезде жоғарылары анық.
Енді жылды жақсы бастаған қазақ қызына алдағы жарыстарда сәттілік тілейміз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).