НҰР-СҰЛТАН. ҚазАқпарат – Қазақстандық Жібек Құламбаева жұптық сында Үндістанның Нави-Мумбаи қаласында өтіп жатқан W25 турнирінің финалына шықты, деп хабарлайды ҚазАқпарат тілшісі.
Осы доданың 4-ракеткасы болып тіркелген Ж.Құламбаева латвиялық Диана Марцинкевичпен бірге жарыс барысында екі бәсеке өткізіп, жартылай финалға шыққан еді.
Қазақстандық-латвиялық жұп жартылай финалда жапониялықтар Нахо Сато – Моюка Учижимамен кездесуі керек еді. Алайда қарсыластары кортқа шықпай қалды да, Ж.Құламбаева мен Д.Марцинкевич ойнамастан финалға жолдама алды.
Енді Жібек пен Диана финалда тағы бір қазақстандық Анна Данилина – украиналық Валерия Страховамен бас жүлдені сарапқа салады.
Еске сала кетейік, бұдан бұрын Анна Данилинаның Үндістандағы турнирдің жеңімпазы атанғанын, Елена Рыбакинаның әлемдік рейтингіде жылды ТОП-15-те аяқтағанын жазған болатынбыз.
Сондай-ақ қазақстандық теннисші Үндістандағы жарыстың финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).