Қазақстандық, әлемнің 226-ракеткасы Денис Евсеев Валенсия (Испания) челленджер турнирінің ширек финалына шықты, деп хабарлайды Kazinform.
Қазақстандық теннисші екінші айналымда әлемнің 114-інші, жарыстың 7-ракеткасы, испаниялық Педро Мартинеспен кездесуі керек еді.
Алайда испаниялық спортшы кортқа шықпай қалды да, Евсеев ойнамастан ширек финалға өтті.
Жүлде қоры 118 мың еуроға бағаланған доданың жартылай финалына шығу үшін Денис Евсеев қос испаниялық, әлемнің 196-ракеткасы Даниэль Ринкон немесе рейтингте 514-сатыдағы Мартин Ландалусенің біреуімен таласады.
Еске сала кетейік, бұдан бұрын Жібек Құламбаеваның Үндістандағы турнирдің келесі айналымына өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).