АСТАНА. KAZINFORM — Қазақстандық теннисші Зарина Дияс өзінің кәсіби мансабын аяқтағаны жөнінде жария етті.
З.Диястың Instagram әлеуметтік желісінде жазғанындай, ол кішкентай күнінен әлемдік аренада өнер көрсетуді арман етті.
Теннисші халықаралық жарыстарда жылдар бойы өз шеберлігін паш етті. Соның ішінде 2014 және 2015 жылдары Уимблдон турнирінің төртінші айналымына дейін жетті. Жапонияда өткен WTA 250 турнирінде топ жарды.
Әлемдік рейтингіде 31-орынға дейін көтерілді.
Дүниежүзілік додаларда, соның ішінде Олимпиадада Қазақстан намысын қорғады.
Теннисші өзінің отбасына, анасы мен апасына, бапкерлеріне, демеушілерге, Қазақстан теннис федерациясына алғысын айтты.
Еске сала кетейік, бұдан бұрын Монте-Карло мастерс турнирінде ширек финалға шыққан Бубликтің әлемнің 1-ракеткасымен ойнайтынын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).