НҰР-СҰЛТАН. ҚазАқпарат – Қазақстандық Александр Недовесов жұптық сында украиналық Денис Молчановпен бірге Анталия челленджер турнирінің финалына шықты, деп хабарлайды ҚазАқпарат тілшісі.
Қазақстандық-украиналық жұп жартылай финалда филиппиндік Трет Хьюи – нидерландылық Сэм Вербикпен күш сынасты.
Осы жарыстың 2-ракеткасы болып тіркелген А.Недовесов – Д.Молчанов жұбы қарсыластарын 6:4, 6:2 есебімен жеңді.
Бір сағат бес минутқа созылған матчта А.Недовесов пен Д.Молчанов төрт рет брейк жасай білді. Олар турнирдің финалына шыққаны үшін 1550 АҚШ долларын тауып, Кәсіпқой теннисшілер қауымдастығы (ATP) рейтингінде 48 ұпайға қол жеткізді.
А.Недовесов пен Д.Молчановтың финалдағы қарсыласы кейін анықталады.
Еске сала кетейік, бұдан бұрын Зарина Диястың Мельбурндағы жарыста өнер көрсететінін, Александр Недовесовтің Анталия турнирінің жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).