НҰР-СҰЛТАН. ҚазАқпарат – Қазақстандық Андрей Голубев жұптық сында Корденонс (Италия) челленджер жарысының финалына шықты, деп хабарлайды ҚазАқпарат тілшісі.
Осы турнирдің 2-ракеткасы болып тіркелген А.Голубев пен уругвайлық Ариэл Бехар жартылай финалда швейцариялық Лука Маргаолли мен италиялық Андреа Вавассоримен шеберлік байқасты.
Қазақстандық-уругвайлық жұп 7:6 (7:3), 6:2 есебімен екі партияда жеңіске жетті.
Бәсеке 1 сағат 19 минутқа созылды.
А.Голубев пен А.Бехар финалда доданың 1-ракеткалары, аргентиналық Андрес Мольтени мен Монако өкілі Хьюго Нис және тағы бір монаколық Ромен Арнеодо мен аустриялық Тристан-Самуэль Вайссборн жұптарының қай жеңгенімен бас жүлдені сарапқа салады.
Еске сала кетейік, бұдан бұрын А.Голубевтің Италиядағы турнирдің жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).