НҰР-СҰЛТАН. ҚазАқпарат - Қазақстанның бірінші, әлемнің 18-ракеткасы Елена Рыбакина Страсбург турнирінің финалында қарсыласына есе жіберді, деп хабарлайды ҚазАқпарат тілшісі.
Қазақстандық теннисші финалда әлемнің 5-ракеткасы, украиналық Элина Свитолинамен бас жүлдені сарапқа салды.
Бірінші партияда украиналық спортшы 6:4 есебімен басым түссе, екіншісінде Елена есе қайырды - 6:1.
Үшінші, шешуші партияда Э.Свитолина басым түсті - 6:2.
Тартысты бәсеке 1 сағат 52 минутқа созылды.
Е.Рыбакинаның WTA жарысында финалға дейін жетуі де - жақсы көрсеткіш. Енді ертең Парижде басталатын Франция ашық чемпионатында сәтті өнер көрсетсе, табысы көбейіп, рейтингісі жоғарылайтыны анық.
Еске сала кетейік, бұдан бұрын А.Бубликтің Гамбург турнирінің жартылай финалына шыға алмағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).