АСТАНА. ҚазАқпарат – Қазақстандық Гөзал Айнитдинова Астанада өтіп жатқан ITF World Tennis Tour «BeeTV 40 Women's» турнирінің екінші айналымына өтті, деп хабарлайды ҚазАқпарат тілшісі.
Дүниежүзілік рейтингте 505-орында тұрған Г.Айнитдинова бастапқы кездесуін әлемнің 193-ракеткасы, ресейлік Анастасия Захаровамен өткізді.
Қазақстандық теннисші қарсыласын 6:3, 6:3 есебімен ұтты.
Тағы бір қазақстандық Анна Данилина жекелей сында македониялық Лина Джерческаға (223 WTA) 1:6, 4:6 есебімен жол берсе, Жібек Құламбаева хорватиялық Тена Лукастан ұтылып қалды – 2:6, 6:7 (3:7). Аружан Сағындықова әлемнің 167-ракеткасы, ресейлік Полина Кудерметовамен кездесуде бірінші сетте 3:1 есебімен алға шыққанымен, сол қарқынын жалғастыра алмады – 4:6, 1:6.
Еске сала кетейік, бұдан бұрын үш қазақстандық теннисшінің жұптық сында Астанадағы турнирдің ширек финалына шыққанын жазған болатынбыз.
Сондай-ақ Александр Бублик Дубай турнирін жеңіспен бастады.
Қазақстандық жас теннисші Еуропадағы үздік 50 ойыншының қатарына кірді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).