НҰР-СҰЛТАН. ҚазАқпарат – Қазақстандық теннисші Михаил Кукушкин Доха (Катар) ATP турнирінің екінші айналымына шықты, деп хабарлайды ҚазАқпарат тілшісі.
Әлемнің 66-ракеткасы М.Кукушкин алғашқы кездесуін дүниежүзілік рейтингте 229-орында тұрған Тунис өкілі Малик Жазиримен өткізді.
Бірінші партияда қазақстандық теннисші қарсыласына бірде-бір гейм берген жоқ – 6:0.
Екінші сетті М.Кукушкин тағы бір брейкпен түйіндеді – 6:3.
Кукушкиннің айқын басымдылығымен өткен бәсеке 1 сағат 10 минутқа созылды.
М.Кукушкин Доха турнирінің (жүлде қоры 1,5 млн АҚШ долларына жуық) ширек финалына шығу үшін әлемнің 23-інші, осы жарыстың 2-ракеткасы, ресейлік Андрей Рублевпен таласады.
Еске сала кетейік, бұдан бұрын Зарина Диястың Қытайдағы турнирді сәтті бастап, Юлия Путинцеваның Брисбенде әлемнің 20-ракеткасын ұтқанын жазған болатынбыз.
Ал Александр Бублик Дохада ширек финалға шыға алмай қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).