НҰР-СҰЛТАН. ҚазАқпарат – Қазақстандық Михаил Кукушкин Уимблдон турнирінің іріктеу сайысын сәтті бастады, деп хабарлайды ҚазАқпарат тілшісі.
Қазақстан теннис федерациясынан мәлім еткеніндей, әлемнің 160-ракеткасы М. Кукушкин іріктеу додасының алғашқы айналымында дүниежүзілік рейтингте 173-орында тұрған италиялық Лоренцо Джустиномен шеберлік байқасты.
Осыған дейін қарсыластар бір рет кездесіп, онда Михаил басым түскен еді.
Бұл жолы небәрі 52 минутқа созылған матчта қазақстандық теннисші 6:2, 6:1 есебімен жеңіске жетті. Ол бәсеке барысында төрт брейк жасай білді.
Іріктеу сайыстарының финалына шығу үшін М. Кукушкин әлемнің 230-ракеткасы, германиялық Филипп Кольшрайбермен таласады.
Уимблдон – жыл сайын өтетін «Үлкен дулыға» жарысының үшіншісі.
Еске сала кетейік, бұдан бұрын қазақстандық теннисшілердің ірі жарыстарда бақ сынайтынын жазған болатынбыз.
Сондай-ақ, қазақстандық теннисшідердің әлемдік рейтингідегі орындары анықталған еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).