НҰР-СҰЛТАН. ҚазАқпарат - Қазақстандық, әлемнің 250-ракеткасы Тимофей Скатов Севилья (Испания) челленджер жарысының жартылай финалына шықты, деп хабарлайды ҚазАқпарат тілшісі.
Қазақстандық теннисші ширек финалда дүниежүзілік рейтингте 971-орында тұрған Польша өкілі Ежи Яновичпен шеберлік байқасты.
Т.Скатов 6:3, 6:2 есебімен жеңіске жетті.
Екі сағатқа жуық уақытқа созылған матчта қазақстандық спортшы эйс жасамағанымен, 15 брейк-пойнттың үшеуін пайдалана білді. Поляк теннисшісі 5 эйспен ғана көзге түсті.
Тимофей Скатовтың жартылай финалдағы қарсыласы кейін анықталады.
Еске сала кетейік, бұдан бұрын қазақстандық теннисшінің Испаниядағы турнирдің ширек финалына өткенін жазған болатынбыз.
Сондай-ақ әлемнің бұрынғы бірінші ракеткасы Astana Open ATP 500 турнирінде ойнайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).