АСТАНА. ҚазАқпарат - Қазақстандық, әлемнің 209-ракеткасы Тимофей Скатов Парма 2 (Италия) челленджер турнирінің финалына шықты, деп хабарлайды ҚазАқпарат тілшісі.
Қазақстандық теннисші жартылай финалда әлемнің 184-ракеткасы, италиялық Джанлука Магермен шеберлік байқасты.
Бірінші партияда Тимофей тай-брейкте басымдылық танытты - 7:6 (7:5).
Екінші сетте қарқынын тіпті үдетті - 6:2.
Бір сағат 37 минутқа созылған кездесуде Т.Скатов 3 эйс жасап, 3 брейк-пойнтты түгел пайдаланды.
Тимофей Скатов финалда чехиялық Вит Коприва немесе словакиялық Йозеф Коваликпен бас жүлдені сарапқа салады.
Еске сала кетейік, бұдан бұрын теннисші Тимофей Скатовтың Италиядағы турнирдің жартылай финалына шыққанын жазған болатынбыз.
Сондай-ақ Елена Рыбакина Чехиядағы ірі жарыстың жартылай финалына шықты.
Астана турнирінде жартылай финалда Новак Джокович пен Даниил Медведев кездеседі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).