АСТАНА. ҚазАқпарат - Ресейлік теннисші Александра Панова мен қазақстандық спортшы Галина Воскобоева Мәскеуде өткен жұптық турнирде швейцариялық Ксения Нолл мен швециялық Йоханна Ларссонды жеңіп, - 6/4, 2/6, 11:9 есебімен финалға жолдама алды. Бұл туралы Sports.kz хабарлайды.
Кездесу 1 сағат 38 минутқа созылды. Александра мен Галина допты беру кезінде 5 рет қателік жіберіп, 3 брейк және 2 эйс жасады. Нолл мен Ларссон болса, қарсыластарының берген добын үш рет қабылдап алып, 2 эйс және 5 рет қос қателік жіберді.
Moscow River Cup жарысының финалында жұптық разрядта Панова мен Воскобоева Вера Звонарева мен Анастасия Потаповамен немесе Катерина Козловамен және Наталья Вихлянцевамен айқасады.
Айдар Оспаналиев
2000 жылы Әл-Фараби атындағы ҚазМҰУ-дың журналистика факультетін бітірген. Журналистика саласында 2000-шы жылдан бері қызмет етіп келеді.