ШЫМКЕНТ. KAZINFORM – Шымкент қаласында Belline Arena ұлттық теннис орталығында Asia/Oceania Final Juniors Billie Jean King Cup іріктеу турнирінің алғашқы күні мәресіне жетті.
Қазақстандық жасөспірім қыздар бастапқы кездесуінде Вьетнам құрамасын 3:0 есебімен ойсырата ұтты.
Алдымен Альбина Кәкенова Нгуенге еш мүмкіндік қалдырған жоқ – 6:1, 6:1. Содан кейін Ариана Гогулина Вуды тізерлетті – 6:1, 6:2.
Жұптық бәсекеде А.Кәкенова Ева Корышевамен бірге Ву – Квангқа бір ғана гейм берді – 6:0, 6:1.
А тобында Қазақстан бірінші, Жапония екінші орында келеді. Қос командада үш ұпайдан бар.
Бүгін Ярослава Шведованың шәкірттері жапониялық қыздарға есе жіберген Индонезиямен ойнайды.
Еске сала кетейік, бұдан бұрын Шымкент қаласында жасөспірімдер әлем чемпионатына іріктеу турнирі басталғанын жазған болатынбыз.
Тимофей Скатов Тунисте негізгі турнирге жолдама алды.
Дмитрий Попко Португалияда негізгі жарысқа шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).