АСТАНА. KAZINFORM — Чехияның Простеев қаласында 14 жасқа дейінгілер арасында теннистен әлем чемпионаты өтіп жатыр.
Қазақстан жасөспірімдер құрамасы В тобында алғашқы кездесуін 2014 жылғы әлем чемпионы Германиямен өткізді.
Алдымен Хақназар Жеткербай Tennis Europe рейтингісінде 14-орында тұрған Даниель Шарнецкиге есе жіберді – 3:6, 2:6.
Екінші бәсекеде Ахмади Мақанов сенсация жасай білді. Ол Tennis Europe рейтингісінде 8-сатыдағы Луис Калинді 6:1, 2:6, 7:5 есебімен ұтып кетті.
Матч тағдыры жұптық сында шешілді. Онда Ахмади мен Хақназар барын салғанымен, Даниель – Луистан жеңіліс тапты – 3:6, 4:6.
Бүгін Сағадат Аяптың шәкірттері Жапония құрамасымен кортқа шығады.
Еске сала кетейік, бұдан бұрын Германиядағы жарыста Скатовтың Попконы ұтып, келесі айналымға шыққанын жазған болатынбыз.
Сондай-ақ Елена Рыбакина Монреаль турнирінің жартылай финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).