НҰР-СҰЛТАН. ҚазАқпарат - Теннистен ерлер арасындағы Аустралия ашық чемпионаты (Australian Open) 2021 жылдың 8 және 21 ақпан аралығында өткізіледі, деп хабарлайды ҚазАқпарат тілшісі.
Бұл жөнінде кәсіпқой теннисшілер ассоциациясы мәлім етті.
Халықаралық турнир Австралияның Мельбурн қаласында болады. Аталған доданың іріктеу кезеңі алдағы жылдың 10-13 қаңтарына Катар астанасы - Доха қаласында өтеді деп жоспарланған.
Australian Open турнирінің негізгі кезеңіне жолдама алған спортшылар 15 және 31 қаңтар аралығында Австралияға аттанады. Онда 14 күндік карантинде болады.
ATP алдағы жылы өтетін өзге де турнирлердің тізімін жариялады. Алғашқысы 5-13 қаңтар аралығында АҚШ-тың Флорида штатындағы Делрей-Бич, Түркияның Анталия қалаларында өткізіледі.
Ал 1-5 ақпан аралығында Австралияның Мельбурн қаласында ATP Cup турнирі жалауын желбіретсе, одан кейін Australian Open турнирі жалғасын табады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.