АСТАНА. KAZINFORM — Лондон қаласында 2026 жылғы теннистен Билли Джин Кинг кубогы іріктеу сайысының жеребесі тартылды.
Қазақстан теннис федерациясының баспасөз қызметінен мәлім еткеніндей, қазақстандықтар командалық әлем чемпионатының финалдық кезеңіне өту үшін Астанада Канада құрамасымен ойнайды.
Қос команда арасындағы матч 10-11 сәуір күндері Астана қаласындағы Beeline Arena ұлттық теннис орталығында өтеді.
Канада — 2023 жылы әлем чемпионы атағын жеңіп алған мықты құрамалардың бірі.
Іріктеу матчтары төрт жекелей және бір жұптық кездесуден тұрады.
Еске сала кетейік, бұдан бұрын Александр Бубликтің Аустралия ашық чемпионатын жеңіспен бастағанын жазған едік.
Сондай-ақ Александр Шевченко Аустралия ашық чемпионатының екінші айналымына шықты.
Қазақстандық теннисшілер әлемдік рейтингіде жоғары көтерілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).