АСТАНА. KAZINFORM — Қытайдың Шэньчжэнь қаласында 16-21 қыркүйекте өтетін Билли Джин Кинг кубогы (командалық әлем чемпионаты) финалдық кезеңінің жеребесі тартылды.
Қазақстан теннис федерациясынан мәлім еткеніндей, қазақстандық қыздар ширек финалда әлемнің 18 дүркін чемпионы Америка Құрама Штаттарының құрамасымен ойнайды.
Жұп жеңімпазы жартылай финалда Жапония не Ұлыбритания құрамасының қай жеңгенімен кездеседі.
Сондай-ақ ширек финалда Украина Испаниямен, өткен жылғы әлем чемпионы Италия Қытаймен шеберлік таластырады.
Еске сала кетейік, бұдан бұрын Қазақстан әйелдер құрамасы алғаш рет әлемдік рейтингіде 6-орынға көтерілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).