НҰР-СҰЛТАН. ҚазАқпарат - Үндістанның Нью-Дели қаласында 14 жасқа дейінгілер арасында әлем чемпионаты Азия/Тынық мұхит аймағы іріктеу турнирінің ширек финалында Қазақстан құрамасының қарсыласы анықталды, деп хабарлайды ҚазАқпарат тілшісі.
Қазақстан теннис федерациясы мәлім еткендей, бүгін қазақстандық жасөспірімдер D тобында Пәкстан құрамасын 2:0 есебімен ұтты.
Осылайша, өз тобында үш команданы да жеңген Қазақстан құрамасы ширек финалға бірінші орынмен жолдама алды.
Ертең қазақстандық жасөспірімдер жартылай финалға шығу үшін Гонконг командасымен таласады.
Еске сала кетейік, бұдан бұрын Қазақстан жасөспірімдер құрамасының ӘЧ іріктеу кезеңінің ширек финалына шыққанын жазған болатынбыз.
Сондай-ақ қазақстандық теннисші Чехиядағы турнирді жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).