АСТАНА. KAZINFORM - Қазақстандық теннисші, әлемнің 305-ракеткасы Тимофей Скатов Бонн (Германия) челленджер турнирінің ширек финалына жолдама алды.
Қазақстандық теннисші екінші айналымда әлемнің 260-ракеткасы, румыниялық Филип Кристиану Жиянумен кездесті.
Бірінші партияда Скатов тай-брейкте сәтті ойнады - 7:6 (7:0).
Екінші сетте Тимофей айқын басымдылық көрсетті - 6:1.
Бір сағат 22 минутқа созылған бәсекеде Скатов 4 эйспен бірге 4 брейк-пойнтты мүлт жібермеді. Жияну 1 эйс, 2 брейкпен шектелді.
Тимофей Скатов жартылай финалға шығу үшін рейтингіде 825-орындағы болгариялық Янаки Милевпен таласады.
Осы жарыста Дмитрий Попко - Денис Евсеев жұптық сында алғашқы қарсыластарын жеңіп, ширек финалға өтті.
Еске сала кетейік, бұдан бұрын қазақстандық теннисшінің жасөспірімдер арасында алғашқы титулына қол жеткізгенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).