АСТАНА. KAZINFORM — Қазақстандық теннисші, әлемнің 308-ракеткасы Тимофей Скатов Бонн (Германия) челленджер турнирінің жартылай финалына жолдама алды.
Қазақстандық теннисші ширек финалда дүниежүзілік рейтингіде 802-орында тұрған болгариялық Янаки Милевке дес бермеді.
Бірінші партия 6:0 есебімен аяқталды. Екінші сетте есеп 3:0 болған мезетте болгариялық теннисші матчты жалғастырудан бас тартты.
Небәрі 47 минутқа созылған бәсекеде Скатов 4 эйспен бірге 4 брей-пойнтты пайдаланып үлгерді.
Тимофей Скатов финалға шығу үшін әлемнің 107-інші, осы жарыстың 2-ракеткасы, бельгиялық Рафаэль Коллиньонмен таласады.
Тағы бір қазақстандық, әлемнің 295-ракеткасы Жібек Құламбаева Куршумлийска Баня (Сербия) ITF W35 турнирінің ширек финалында сүрінді. Ол рейтингіде 787-сатыдағы ресейлік Дарья Астаховадан жеңіліп қалды – 4:6, 0:6.
Еске сала кетейік, бұдан бұрын Ролан Гарростың іріктеу турнирінде екі теннисшінің финалға жолдама алғанын жазған едік.
Президент кубогында Аружан Сағындықова жартылай финалға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).