АСТАНА. ҚазАқпарат – Қазақстанның екінші, әлемнің 131-ракеткасы Тимофей Скатов Люденшайд (Германия) челленджер турнирін жеңіспен бастады, деп хабарлайды ҚазАқпарат тілшісі.
Жарыстың 4-ракеткасы болып тіркелген қазақстандық теннисші бастапқы кездесуін әлемдік рейтингте 207-сатыда тұрған украиналық Алексей Крутыхпен өткізді.
Бірінші партияда жеңіс Скатовтың еншісіне жазылғанымен, екіншісінде Крутых тай-брейкте сәтті ойнады – 7:6 (7:5).
Үшінші, шешуші сетте Тимофей таразы басын аудара білді – 7:5.
Екі сағат жарымнан астам уақытқа созылған тартысты бәсеке барысында Скатов 1 эйспен бірге 13 брейк-пойнттың жетеуін пайдаланды. Қарсыласы 2 эйс, 4 брейктен (10 брейк-пойнт) аса алмады.
Тимофей Скатов ширек финалға шығу үшін әлемнің 182-ракеткасы, аргентиналық Камило Уго Карабелли немесе рейтингте 204-сатыдағы франциялық Жоффри Бланканоның біреуімен таласады.
Еске сала кетейік, бұдан бұрын Бейбіт Жұқаевтың Мексикада негізгі турнирге жолдама алғанын жазған болатынбыз.
Астанада арбадағы теннистен Қазақстан чемпионаты аяқталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).