АСТАНА. ҚазАқпарат – Қазақстанның екінші, әлемнің 138-ракеткасы Тимофей Скатов Карлсруэ (Германия) челленджер турнирінің финалына шыға алмады, деп хабарлайды ҚазАқпарат тілшісі.
Қазақстандық теннисші жартылай финалда әлемдік рейтингте 145-орында тұрған чилилік Алехандро Табиломен кездесті.
Бірінші партияны А.Табило 6:4 есебімен өз пайдасына аяқтаса, екіншісінде қарқынын үдете түсті – 6:1.
Сағат жарымнан астам уақытқа созылған бәсеке барысында Т.Скатов 1 эйспен бірге 6 брейк-пойнттың біреуін ғана пайдаланды. Қарсыласы 3 эйс, 4 брейкпен (10 брейк-пойнт) көзге түсті.
Германиядағы жарыстың жартылай финалына дейін жеткен Т.Скатов ATP Live рейтингісінде қазіргі кезде 132-сатыда тұр.
Еске сала кетейік, бұдан бұрын Александр Бубликтік алғаш рет Уимблдонның төртінші айналымына шыққанын жазған болатынбыз.
Сондай-ақ Александр Бубликтің келесі қарсыласы белгілі болды.
Михаил Кукушкин АҚШ-тағы жарыстың жартылай финалына жолдама алды.
Жас теннисші Даниал Рахматуллаев Тегерандағы турнирдің чемпионы атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).