Тимофей Скатов Грекиядағы турнирдің екінші айналымына өтті

АСТАНА. KAZINFORM – Қазақстандық теннисші, әлемнің 182-ракеткасы Тимофей Скатов Херсониссос (Грекия) челленджер турнирін сәтті бастады.

Жарыстың 1-ракеткасы болып тіркелген Т.Скатов бастапқы кездесуін әлемдік рейтингіде 352-орында тұрған чехиялық Иржи Веселыймен өткізді.

Қазақстандық теннисші 6:4, 6:4 есебімен екі сетте жеңіске жетті.

Бір сағат 46 минутқа созылған тартысты бәсеке барысында Скатов 2 эйспен бірге 10 брейк-пойнттың үшеуін мүлт жібермеді. Веселый 11 эйс, 1 брейкпен (7 брейк-пойнт) көзге түсті.

Тимофей Скатов ширек финалға шығу үшін әлемнің 366-ракеткасы, аустриялық Деннис Новакпен шеберлік таластырады.

Еске сала кетейік, бұдан бұрын Бейбіт Жұқаевтың Франциядағы жарыстың 1/8 финалына шыққанын жазған болатынбыз.

Сондай-ақ Ахмади Мақанов Еуропа рейтингісінде 8-орынға көтерілді.