АСТАНА. KAZINFORM — Қазақстандық, әлемнің 273-ракеткасы Тимофей Скатов Задар (Хорватия) челленджер жарысының ширек финалына жолдама алды.
Қазақстандық теннисші екінші айналымда дүниежүзілік рейтингіде 247-орында тұрған италиялық Алессандро Джаннессиден айласын асырды.
Т.Скатов италиялық спортшыны 6:1, 6:2 есебімен айқын басымдылықпен тізе бүктірді. Бір сағат 15 минутқа созылған бәсеке барысында Тимофей 2 эйспен бірге 12 брейк-пойнттың төртеуін пайдаланды.
Тимофей Скатов жартылай финалға шығу үшін әлемнің 392-ракеткасы, Аустрия өкілі Сандро Коппен таласады.
Еске сала кетейік, бұдан бұрын Денис Евсеевтің жұптық сында Испаниядағы жарыстың ширек финалына өткенін жазған болатынбыз.
Сондай-ақ теннистен әлем чемпионатында Қазақстан жасөспірімдер құрамасы іріктеу турнирінің ширек финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).