АСТАНА. KAZINFORM — Қазақстандық, әлемнің 172-ракеткасы Тимофей Скатов Рим (Италия) челленджер турнирінің ширек финалына өтті.
Жарыстың 4-ракеткасы болып тіркелген қазақстандық теннисші екінші айналымда дүниежүзілік рейтингіде 287-орында тұрған италиялық спортшы Стефано Травальямен кездесуі керек еді. Алайда Травальяның матчқа келмей қалуына байланысты Скатов кортқа шықпастан ширек финалға жолдама алды.
Тимофей Скатов жартылай финалға шығу үшін әлемнің 191-ракеткасы, аустриялық Лукас Ноймайермен таласады.
Еске сала кетейік, бұдан бұрын Тимофей Скатовтың Рим турнирінің екінші айналымына жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).