АСТАНА. KAZINFORM – Қазақстандық теннисші, әлемнің 202-ракеткасы Тимофей Скатов хард төсенішінде өтіп жатқан Ченнай (Үндістан) челденджер турнирінің екінші айналымына шықты.
Өткен аптада Астанада Пәкістанмен матчта ел намысын қорғаған қазақстандық спортшы алғашқы кездесуін дүниежүзілік рейтингіде 430-орында тұрған чехиялық теннисші, 20 жастағы Гинек Бартонмен өткізді.
Екі сетте де 6:4 есебі тіркеліп, Скатов жеңіске жетті.
Сағат жарымға жуық уақытқа созылған бәсеке барысында Тимофей 3 эйспен бірге 10 брейк-пойнттың үшеуін мүлт жібермеді. Бартон 11 эйс, 1 брейкпен көзге түсті.
Тимофей Скатов ширек финалға шығу үшін әлемнің 225-ракеткасы, ресейлік Аслан Карацевпен таласады. Ол рейтингіде 296-сатыдағы франциялық Корентен Деноллиді тізе бүктірді – 7:6 (7:4), 6:4.
Еске сала кетейік, бұдан бұрын Аңсар Ниетқалиевтің Астанада өткен турнирдің абсолютті чемпионы атанғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).